حسنات محمود

[محسن الفكي]

أو محمود الحسنات!

[محسن الفكي]

محمود الحسنات حتى اليوم الأول من يوليو 2020م ، عنده ما يربو على 4مليون متابع (بالجديد) من خلال صفحته على الفيسبوك.

عشان كده وصفتها في العنوان بحسنات محمود!

[محسن الفكي]

كدي نشوف الزول ده بيهبب بكتب شنو،ونشوف ذاتو رايو في 4 مليون متابع ديل.

▪️كتب الحسنات في30مايو 20
مات عمر (60ألف لايك)

"مات عمر" دي اخدت براها 60 الف لايك.

▪️في1 يونيو 20 كتب
فتحت المساجد في مدينتي الحبيبه غزة،وأسأل الله أن تفتح في بقية البلاد عاجلاً.

▪️2يونيو/20
لأكثر من 4000000 مليون متابع في هذه الصفحة، أشهدوا لي عند الله وسامحوني.

طبعاً ما دايرة ليها صلعة،كونو يكتب "مليون".

▪️في4 يونيو 2020م كتب
الوباء في إنحصار،وكل الآمال تشير في عودة لحياتنا الطبيعية..
أبشروا وبشروا غيركم.

إنحصار دي على وزن شنو يا ربي؟

▪️7 يونيو 2020م
اللهم أجعل أمهاتنا ممن يدخلون الجنة بغير حساب،ولا سابق عذاب.

معقول داير جنة لا حساب لا عذاب،تخشها الأمهات طلقيبة ساي؟

▪️ 15 يونيو 2020م
مقيم في السودان منذ عامين،خطبت فوق منابره 100 جمعة متواصلة،لم أجد إلا شعبا يهديك عينيه،ويقول لك انه مقصر في حقك..
وكأن اللون الأبيض خلق في قلوبهم..
أدام الله هذا الشعب العظيم.

▪️16يونيو 2020م
بعد عودتي من سفري الأخير،وجدت الشعب السوداني ،يحملني على الأكتاف..
هذا حال من يغيب عنهم،وهذا سر محبتي لهم.

شنو شابكنا الشعب السوداني.. الشعب السوداني.. الشالوك، أو الكرموك ديل اربعة انفار من المسجد الخلوك تخطب فيه، يعني حتى ما كل ناس الحي.

▪️17 يونيو 2020م
تعلمنا من كورونا أن الذي أغلق محله لأكثر من شهرين ، يستطيع أن يغلقه لبضع دقائق من أجل الصلاة في المسجد.

▪️28 يونيو 2020م
ثلاثة شهور من بداية فيروس كورونا ولا يزال لديك طعام في بيتك،ولايوجد مريض في أسرتك، فقل الحمد لله.

▪️20 يونيو 2020م
كانت قد وصلتني قبل كورونا عشرات الدعوات لزيارة دول عربية متعددة، بعد ما ينتهى الوباء ،بإذن الله اي الدول تقترحون لزيارتعا؟
مع العلم أن الإقامة الدائمة في السودان الحبيبه.

[محسن الفكي]

المشاركة الأصلية كتبت بواسطة محسن الفكي

كدي نشوف الزول ده بيهبب بكتب شنو،ونشوف ذاتو رايو في 4 مليون متابع ديل.

قمت بأخذ عينة عشوائية خلال 30 يوماً بالضبط، لما يسطره "الحسنات" ،وقدمتها للقارئ.
بي كده الواحد عرف ليه بعض الشعوب ، أي زول بيركبها ويدلدل رجليه، كان 30 سنة ولا كان ملايين المتابعين، كيفما تكونو،يولى عليكم، وطالما ظهرك منحنيا، أكيد الحسنات بتركب!.

[محسن الفكي]

غمتوه !

ألقت السلطات السودانية القبض على عناصر أجنبية شاركت في احتجاجات نظمها أنصار النظام السابق، بحسب ما أكدت مصادر مطلعة لـشبكة "العين الإخبارية، وأضافت المصادر أن المقبوض عليهم خطيب مسجد الشيخ محمد عبدالكريم بشارع الـ60، ويدعى محمود سليمان الحسنات، وهو فلسطيني الجنسية من غزة، بالإضافة إلى 3 أشخاص من إندونيسيا، وعنصرين من اليمن.

[عبد السلام]

كجيتو انت دة

[محسن الفكي]

المشاركة الأصلية كتبت بواسطة عبد السلام

كجيتو انت دة

الإفراج عن محمود الحسنات الداعية الفلسطيني بالسودان.